İŞİD-ə qoşulan tələbə həbs edildi

28.10.2015 17:48     Dünyadan reaksiya     1826

Moskvanın Lefortovo məhkəməsi İŞİD-ə qoşulmaqda təqsirləndirilən Moskva Dövlət Universitetinin tələbəsi Varvara Karaulova barəsində həbs qərarı çıxarıb.

Reaksiya.az APA-ya istinadən xəbər verir ki,, məhkəmə İvanova Aleksandra Pavlovnanı (Varvara Karaulova) Rusiya Federasiyası Cinayət Məcəlləsinin 205.5-ci maddəsi (Rusiya ərazisində qanunverciliklə fəaliyyəti qadağan olunmuş terrorçu təşkilatın fəaliyyətində iştirak etmək) ilə təqsirli bilərək, barəsində 1 ay 25 gün müddətinə həbs qətiimkan tədbiri seçib.

Qeyd edək ki, Lomonosov adına MDU-nun əlaçı tələbəsi Varvara Karulova bu il mayın 27-də evdən qaçıb. O, İŞİD sıralarına qoşulmaq üçün Türkiyənin Suriyaya keçmək istəyərkən sərhəddə saxlanılıb. Onunla bərabər Türkiyə sərhədçiləri daha 12 Rusiya vətəndaşını saxlayıblar. İyunun 12-də Karaulova İstanbuldan Moskvaya qaytarılıb.

Oktyabrın 27-də isə məhkəmə Karaulovanı İŞİD sıralarına cəlb etmək istəyənlər barəsində həbs qətiimkan tədbiri çıxarıb.