Moldovada hökumət istefaya göndərildi

29.10.2015 17:39     Dünyadan reaksiya     1888

Moldovada hökumət istefaya göndərilib.

Reaksiya.az APA-ya istinadən xəbər verir ki, bu gün parlamentdə keçirilən səsvermənin nəticəsi olaraq baş nazir Valeri Streletsin başçılıq etdiyi hökumətə etimadsızlıq göstərilib.

Nazirlər Kabinetinə etimadsızlıq göstərilməsi haqqında qətnamənin lehinə 101 deputatdan 65-i səs verib. Onlar müxalif Sosialistlər Partiyası, Kommunistlər Partiyası və Demokratik Partiyadan ibarət fraksiya üzvləridir.

Hökumətə etimadsızlıq göstərilməsi barədə qətnamə layihəsi parlamentə oktyabrın 22-də Sosialist və Kommunist partiyaları üzvləri tərəfindən təqdim olunub.