Yunanıstanın baş naziri tezliklə Türkiyəyə səfər edəcək

03.11.2015 01:19 Dünyadan reaksiya 1626

Yunanıstanın baş naziri Aleksis Tsipras Türkiyənın baş naziri Əhməd Davudoğlunun rəhbərlik etdiyi hakim Ədalət və İnkişaf Partiyasının parlament seçkilərində qələbə qazanması münasibəti ilə təbrik edərək tezliklə Türkiyəyə səfər edəcəyini təsdiqləyib.

Reaksiya.az-ın APA-ya istinadən verdiyi xəbərə görə, bu barədə Yunanıstanın baş nazirinin mətbuat xidmətinin yaydığı məlumatda bildirilir.

Aleksis Tsipras telefon danışığı zamanı regionda müşahidə edilən gərginlik şəraitində iki ölkə arasında açıq diplomatik kanalların saxlanılmasının vacibliyini qeyd edib. Tərəflər bu kontekstdə qaçqın problemini müzakirə ediblər.

Tsipras Davudoğlunun dəvətini qəbul etdiyini təsdiqləyib: “Artıq yaxın zamanda baş tutacaq səfərin tarixi müəyyənləşdirilir”.