Azərbaycanlını qətlə yetirən şəxs öldü - Ermənistanda

09.11.2015 12:08     Dünyadan reaksiya     1726

Ermənistanda azərbaycanlını qətlə yetirdiyinə görə ömürlük həbsə məhkum edilmiş və bu yaxınlarda azadlığa buraxılmış Soqomon Köçəryan ölüb. 

Reaksiya.az APA-ya istinadən xəbər verir ki, bu barədə xəstəxanadan məlumat veriblər.

Xatırladaq ki, oktyabrın ortalarında  Ermənistanın Kentorn və Nor-Maraş ümumi instansiya məhkəməsi “Məhkumlar üçün xəstəxana” cəzaçəkmə müəssisəsinin ömürlük həbsə məhkum edilmiş Soqomon Köçəryanın azadlığa buraxılması barədə müraciətini təmin etmişdi. Onun ağır ürək xəstəliyindən əziyyət çəkdiyi bildirilirdi.

Dağlıq Qarabağ müharibəsinin iştirakçısı S. Köçəryan 1995-ci ildə İran vətəndaşı olan azərbaycanlını qətlə yetirdiyi üçün barəsində ölüm hökmü çıxarılıb. Lakin 1991-ci ildə Ermənistanda ölüm hökmünə moratorium tətbiq edilməsi və 2003-cü ildə bu cəzanın ləğv olunması səbəbindən cəza ömürlük həbslə əvəzlənib.