Erməni jurnalistlərin kütləvi həbsi - VİDEO

23.06.2015 11:43     Dünyadan reaksiya     1681

Etiraz aksiyasında iştirak edənlərdən 237 nəfərin saxlandığını barədə məlumat verilib.

İrəvanda elektrik enerjisinin tariflərinin artımına etiraz olaraq keçirilən aksiyanın dağıdılması zamanı onlarla jurnalist həbs edilib. 

ANS PRESS-in məlumatına görə, saxlanılanlar arasında yerli mətbuat nümayəndələri də var. Onların arasında "Qala", "News" internet nəşrləri, "Azadlıq" radisounun erməni bürosunun əməkdaşları var. "Qala"nın əməkdaşı Paylak Faxradyan döyülüb, onun foto və video aparatlarına da ziyan dəyib. Bəzi müxbirlərin isə avadanlığı zorla əllərindən alınıb. Polis kameraların yaddaşını silmək üçün onların çiplərini sındırır.

"Epress.am" saytının bir kamerası qırılıb, o birisini isə polislər aparıb. Portalın operatoru Tiqran Akopyan vəhşicəsinə döyülüb. Jurnalist Anna Camakoçyan və yazıçı Ovanes İşxanyana qarşı da vəhşilik edilib.

Hadisə zamanı incəsənət adamları da döyülüb. Sənətşünas Taqui Torosyan soyundurulub və döyülüb. Həmçinni tanınmış şəxslərdən Artak Gevorkyan və Anton İvçenko xüsusi amansızlıqla döyülüb. 

Ermənistan polisinin mətbuat katibi Aşot Aqaronyan aksiya iştirakçılarından 237 nəfərin saxlandığını deyib. Onun sözlərinə görə, 7 aksiya iştirakçısı müxtəlif dərəcəli xəsarətlər alıb. Onlardan 3-ü hospitala yerləşdirilib. Yaralı polis sayı isə 11-dir. 

Məlumata görə, hazırda İrəvanın mərkəzi hərəkət üçün tamamilə açıqdır. Lakin hələ də yollarda çox sayda polis və xüsusi təyinatlılar var.

İrəvanın Azadlıq meydanında iyunun 19-da başlanan oturaq “Talana yox” aksiyasının əsas tələbi elektrik enerjisi tariflərinin yüksəldilməsi barədə qərarı ləğv etmək olub. İyunun 22-i saat 19-da aksiya prezident iqamətgahının qarşısına keçirilmişdi. 

Ermənistan Tarif Şurası ötən çərşənbə günü keçirdiyi iclasda "Ermənistanın Elektrik Şəbəkəsi" şirkəti (EES) tərəfindən istehlakçılara çatdırılan elektrik enerjisinə yeni tarifləri müəyyənləşdirib. Yeni qərara əsasən, avqustun 1-dən etibarən əhali üçün elektrik enerjisinə yeni qiyməti 6,93 dram (təqribən 0,015 dollar) yüksələcək və gündüz vaxtları üçün bir kVAT/saat üçün 48,78 dama qədər (təxminən 0,1 dollar), gecə vaxtı isə 38,78 dram (təqribən 0,08 dollar) təşkil edəcək. EES-in verdiyi sifarişdə isə qiymətlərin 17,08 dram (təqribən 0,036 dollar) qaldırılması təklif edilirdi.