Rusiya Suriyadakı “İŞİD” hədəflərinə zərbə endirdi

17.11.2015 17:54     Dünyadan reaksiya     1718

Rusiya Aralıq dənizinin şərq hissəsindən “Rostov-na-Donu” dizel-elektrik sualtı qayığı vasitəsilə “İŞİD”in qərargahının yerləşdiyi Suriyanın Rakka şəhərinin ətrafındakı hədəflərə “Kalibr” qanadlı raketləri ilə zərbə endirib.

Reaksiya.az –ın APA-ya istinadən verdiyi məlumata görə, Rusiya Müdafiə Nazirliyindəki mənbə bildirib ki, hazırda hava və kosmik kəşfiyyat zərbələrin nəticələrini araşdırır. Bu hadisə Rusiya Silahlı Qüvvələri tarixində sualtı qayıqdan real düşmənə qanadlı raketlərlə ilk zərbədir.

Əməliyyat barədə ilk olaraq Qərb mediası məlumat yayıb. “Le Monde” qəzeti Fransa Müdafiə nazirliyinə istinadən noyabrın 17-də səhər Aralıq dənizindən qanadlı raketlərlə Rakkanın vurulduğunu xəbər verib. “Reuters” isə ABŞ mənbələrinə istinadən Rusiyanın əməliyyat barədə qabaqcadan ABŞ-ı məlumatlandırdığını bildirib. Amerikalı mənbə Rusiyanın strateji bombardmançılardan da istifadə etdiyini əlavə edib.