Malidə oteldə dəhşət - 170 nəfər girov götürüldü

20.11.2015 13:56     Dünyadan reaksiya     1823

Malidə otelə silahlı hücum olub. Məlumata görə, 170 nəfər girov götürülüb.

Reaksiya.az ANS PRESS-ə istinadən xəbər verir ki, terrorçular hadisə yerinə diplomatik korpusa məxsus nömrəli maşınlarla gəliblər.

Qeyri-rəsmi məlumatlara görə, hazırda oteldəki 170 nəfər girov götürülüb.

Reuters-in məlumatına görə, silahlılar avtomatlar vasitəsi ilə oteldəkilərə atəş açıblar. Hadisə nəticəsində 3 nəfərin dünyasını dəyişdiyi bildirilir.

Bütün bu hadisələr otelin 7-ci mərtəbəsində baş verir. Dəhlizdə terrorçularla atışma davam edir. Hazırda otelin ətrafında təhülükəsizlik tədbirləri gücləndirilir.