Təbrizdə ara yenidən qarışıb

21.11.2015 03:53     Dünyadan reaksiya     1694

Təbrizin səhənd stadionunda keçirilən müsabiqədən sonra bir neçə futbol tamaşaçısı təhlükəsizlik qüvvələri tərəfindən tutulub.

Reaksiya.az qafqazinfo.az-a istinadən xəbər verir ki, səhənd stadionunda tamaşaçı qismində iştirak edən soydaşlarımız təhlükəsizlik qüvvələrinin bütün təzyiqlərinə baxmayaraq Azərbaycanın milli və mədəni hüquqlarının tələbi uğrunda bir çox şüar səsləndiriblər.

Məlumata görə, müsabiqə bitdikdən sonra bir neçə “Traxtur” tərəfdarı təhlükəsizlik qüvvələri tərəfindən yaxalanıb. Yaxalananlar arasında Mehdi Şərifi, Məhəmməd Şirzad, Mehdi Şirzad, Cəfərpur, Hadi Hüseynzad və Məcid Nağızadənin adları çəkilir.

“Traxtur” tərəfdarları bugünkü müsabiqədə “Azərbaycan milləti – Çəkməz belə zilləti”, “Hüseyn Hüseyn şüarımız – Türk olmaq iftixarımız”, “Ölüm olsun faşizmə”, “Haray Haray mən türkəm”, “ərəb körfəzi”, “Biz ölməyə hazırıq – Babəkin sərbazıyıq”, “Türk dilində mədrəsə - Olmalıdır hər kəsə” və s. kimi şüarlar səsləndiriblər.