Türkiyənin qoşun növlərində hazırlıq səviyyəsi yüksəldildi

25.11.2015 17:55     Dünyadan reaksiya     1636

Türkiyə Silahlı Qüvvələrinin Baş Qərargahı Suriya ilə sərhəddə uçuşlar həyata keçirən hərbi təyyarələrin sayını artırıb.

Reaksiya.az APA-ya istinadən xəbər verir ki, bundan sonra Suriya sərhədində Türkiyə Hava Qüvvələrinə məxsus 18 ədəd “F16” hərbi təyyarəsi uçuşlar həyata keçirəcək.

Baş Qərargah bütün quru və hava qoşun birliklərinə hazırlıq əmri də verib. “CNN Türk”ün məlumatına görə, bütün qoşun növlərində hazırlıq ən yüksək səviyyəyə çatdırılıb.

Qeyd edək ki, Rusiya rəhbərliyi “Su-24” hərbi təyyarəsinin vurulmasından sonra Suriyadakı hərbi bazasına “S-400” zenit-raket kompleksi göndərməyi qərara alıb.