Rusiyanın Ankaradakı səfiri Türkiyə XİN-nə çağırıldı

26.11.2015 23:49 Dünyadan reaksiya 1981

Rusiyanın Ankaradakı səfiri Andrey Karlov Türkiyənin Rusiyadakı diplomatik missiyaları qarşısında keçirilən etiraz aksiyaları ilə əlaqədar Türkiyə XİN-nə çağırılıb.

Reaksiya.az APA-ya istinadənxəbər verir ki, bu barədə Türkiyə XİN bəyanatında bildirilir.

“Biz son günlər Rusiyada yerləşən diplomatik missiyalarımıza və şirkətlərimizin nümayəndəliklərinə etiraz aksiyası bəhanəsi ilə hücumların törədildiyini təəssüflə müşahidə edirik. Aksiyalar başladıqdan dərhal sonra Rusiyadakı diplomatik missiyalarımız Rusiyanın müvafiq orqanlarına müraciət edərək təhlükəsizliyin təmin olunması ilə bağlı əlavə tədbirlərin görülməsini tələb ediblər”, - deyə bəyanatda qeyd olunub.

Sənəddə qeyd olunur ki, diplomatik missiyaların təhlükəsizliyini təmin etmək hər bir ölkənin öz üzərinə götürdüyü öhdəlikdir.

Rusiyanın Ankaradakı səfirliyinin mətbuat katibi İqor Mityakov aəfir Andrey Karlovun XİN-ə çağırıldığını təsdiqləyib, lakin görüşlə bağlı təfərrüatları bildirməyib.