Təbriz və Məşhəddən Bakıya aviareys açıla bilər

07.01.2016 13:03     Ecoreaksiya     2091

 İran Təbriz-Bakı-Təbriz və Məşəd-Bakı-Məşəd aviareyslərinin İran aviaşirkətləri tərəfindən yerinə yetirilməsi üçün Azərbaycana müraciət edib.

"Reaksiya" xəbər verir ki, bu barədə "Azərbaycan Hava Yolları" QSC (AZAL) prezidentinin ictimaiyyətlə əlaqələr üzrə köməkçisi Paşa Kəsəmənki “APA-Economics”in sorğusuna cavab olaraq bildirib.

“Nəzərinizə çatdırmaq istəyirik ki, İran tərəfi Təbriz-Bakı-Təbriz və Məşəd-Bakı-Məşəd aviareyslərinin İran aviaşirkətləri tərəfindən yerinə yetirilməsi üçün Azərbaycana müraciət edib. Azərbaycan Dövlət Mülki Aviasiya Administrasiyası sözügedən məsələ ilə bağlı razılıq verib. Qeyd etmək istəyirik ki, Dövlət Mülki Aviasiya Administrasiyasına İran tərəfdən reyslərin başlanması ilə bağlı hər hansı yeni bir məlumat daxil olmayıb. Onu da bildirmək istəyirik ki, hal-hazırda bu məsələ “Azərbaycan Hava Yolları” sərnişin şirkətinin gündəliyində deyil”, - deyə məlumatda bildirilir.