General Azərbaycanın 4 milyard kredit alacağını təsdiqlədi - VİDEO

29.01.2016 13:27     Ecoreaksiya     2297

Dövlət Gömrük Komitəsinin sədr müavini Azərbaycanın Dünya Bankından 4 milyard kredit alacağı ilə bağlı yayılan xəbərlərə münasibət bildirib.

"Reaksiya"nın AzVision.az-a istinadən verdiyi xəbərə görə, komitə sədrinin Aydın Əliyevin müavini, general-leytenant Səfər Mehdiyev Azərbaycanın Beynəlxalq Valyuta Fondu və Dünya Bankından 4 milyard ABŞ dolları həcmində kreditin cəlb edilməsi ilə bağlı danışıqlar apardığını təsdiq edib.

Xatırladaq ki, dünən maliyyə naziri Samir Şərifov Azərbaycanın BVF və DB-dən kredit cəlb etmək niyyətində olmadığını bəyan etmişdi:

"Beynəlxalq Maliyyə Fondu, Dünya Bankı və Asiya Inkişaf Bankının nümayəndələri ilə Bakıda görüş keçirilir. Amma hər hansı 4 milyard dollar kredit alınması yoxdur. Vəziyyət o qədər acınaqlı deyil ki, kimdənsə təcili borc alaq. Əksinə, biz başqa dövlətlərə borc veririk". 

Nazirin mövzu ilə bağlı çıxışını təqdim edirik: