Kredit borcu olanların problemi həll oluna bilər

14.08.2015 06:18 Ecoreaksiya 2030

Banklarla müştərilər arasında yaranmış mübahisələr məhkəməyə getmədən öz həllini tapa bilər.

Əgər Banklar Assosiasiyasının təklifi reallaşarsa, maliyyə ombudsmanı yaradılarsa, bu mümkün olacaq.

Hazırda kredit alanların sayı 2 milyon nəfərdən çoxdur. Bu isə banklarla bir o qədər müştəri arasında potensial mübahisə deməkdir.

Məhz bu mübahisələrin uzun və məsrəfli məhkəmə proseslərinə gedib çıxmaması üçün maliyyə ombudsmanı vacib struktur sayılır.

Banklar Assosiasiyasının sədri Zakir Nuriyevin sözlərinə görə, əsas məqsəd maliyyə ombudsman institutunun yaradılmasıdır:

"Eləcə də banklarla müştərilər arasında meydana çıxa biləcək mübahisələrin məhkəmədən kənar qaydada məhz maliyyə ombudsmanın köməyi ilə həll edilməsi və banklarla müştərilər arasında daha çox ehtimadın formalaşdırılmasına nail olmaqdır”.