“Rus rublunun ucuzlaşması ucuzlaşma tendensiyası deyil” - Rusiyalı iqtisadçı özəl

26.08.2015 23:04     Ecoreaksiya     2542

Rubl yazın sonundan başlayaraq yay ayları ərzində  qiymətini itirməkdə davam edir. Reaksiya.az – a eksklüziv açıqlama verən Rusiya İqtisadi İnkişaf Nazirinin məsləhətçisi, iqtisadçı ekspert Yevgeni Ravxatoviç Nadorşinin sözlərinə görə,Çinin maliyyə bazarında baş verən hadisələr və həmçinin neftin qiyməti rublun ucuzlaşmasına gətirib çıxarıb. O bildirib ki, rublun devalvasiyası Rusiyanın iqtisadiyyatına təsir etməyəcək və problem yaranmayacaq. 

« İndi rubl 70-dən  aşağı səviyyədədir. Son günlərdə rubl ucuzlaşır, amma bu ucuzlaşma tendensiyası demək deyil".

Onun sözlərinə görə, inflyasiya prosesləri Rusiyada yüksək səviyyədə olacaq. Bu da resessiyanın 2016-cı ildə daha dərin olmasına gətirib çıxaracaq. Ekspert bildirir ki, rubl son minimal qiymətdən daha ucuz olacaq. Onun fikrincə, yaxın vaxtlarda bir dolların qiyməti 80 rubldan yuxarı olacağı gözlənilmir.