Arif Alışanov baş redaktoru vəzifəsindən çıxartdı

22.09.2015 12:06     Ecoreaksiya     4711

Azərbaycan Televiziya və Radio Verilişləri Qapalı Səhmdar Cəmiyyətinin sədri Arif Alışanov «Səhər» musiqi-informasiya proqramının baş redaktoru Natəvan Osmanlını vəzifəsindən çıxarıb.

Bu haqda məlumat Reaksiya.az-a AzTV-dən verilib.

Məlumata görə, Natəvan Osmanlı bundan sonra diktor vəzifəsində çalışacaq.

Onun yerinə isə “Ovqat” verilişinin aparıcısı Nəcibə Əlixanova təyin edilib.

İnformasiyanı dəqiqləşdirmək üçün AzTV-nin mətbuat xidmətinin rəhbəri Xatirə Qasımla əlaqə saxladıq. Onun sözlərinə görə, AzTV kadr məsələsi ilə bağlı məlumat vermir: “Çünki bunu biz öz daxili məsələmiz hesab edirik”. 

Qeyd edək ki, «Səhər» musiqi-informasiya proqramı 1995-ci ildən efirdədir. Bu proqram səhər saat 8:15-dən 11:00-a kimi  canlı yayımlanır.