Dolların məzənnəsi sabit qaldı

30.09.2015 09:39     Ecoreaksiya     2443

Bu gün sentyabrın 29-u ilə müqayisədə Azərbaycanda 1 ABŞ dollarının məzənnəsi manata nisbətdə sabit qalıb.

Reaksiya.az xəbər verir ki, Azərbaycan Mərkəzi Bankının (AMB) sentyabrın 30-a olan rəsmi məzənnələr bülleteninə nəzər salanda məlum olur ki, ölkəmizdə dolların rəsmi məzənnəsi ötən günlə müqayisədə dəyişməyərək 1,0480 manat səviyyəsində qərarlaşıb.

Bivalyuta səbətinə daxil olan avronun məzənnəsi də manata nəzərən ötən gün olduğu kimi 1,1795 manat olub.

Manata nəzərən Rusiya rublu isə 0,0001 manat və ya 0,63% bahalaşaraq 0,0159 manata yüksəlib.