Bütün dünya bu görüntüdən danışır - VİDEO

30.06.2015 13:36     Maraqlı     2672

Amerika Kosmik Agentliyinin (NASA) canlı yayımı zamanı qeydə alınan görüntü böyük səs-küyə səbəb olub.

Reaksiya.Az-жт "Hürriyet"ə istinadən məlumatına görə, NASA kamerada naməlum cismlərin görünməsindən sonra canlı yayımı qəflətən dayandırıb. Görüntülərdə üç parlaq nöqtənin Dünyadan uzaqlaşdığı görünür. İnsanların əksəriyyəti bu naməlum cismlərin yadplanetli olduğunu iddia edirlər. Bəzi mütəxəssislər də hesab edir ki, bu görüntülər yadplanetlilərin dünyanı ziyarət etdiyinə əyani sübutdur. 

NASA-nın görüntüləri qısa müddət ərzində sosial şəbəkələrdə sürətlə yayılmağa başlayıb. İnsanlar videoya şərh verərək bu qeyri-adi hadisə barəsində öz fikirlərini bölüşüblər. 

Sosial şəbəkə istifadəçilərindən bəziləri NASA-nı yayımı yarımçıq dayandırdığı üçün tənqid edib. Bəzi insanlar isə naməlum nöqtələrin "çoxyönlü kosmik cism" olduğunu iddia ediblər. 

Ancaq videoda görünən cismlərin yadplanetli olmadığını düşünənlərin də sayı az deyil. Bəziləri videonun keyfiyyətinin həddindən artıq aşağı olduğunu və sözügedən nöqtələrin günəş işığının parıltısı ola biləcəyini güman edirlər. Bir digər qrup isə cismlərin peyk ola biləcəyini deyirlər