Şəkərin beyinə dəhşətli təsiri aşkarlandı

28.02.2016 20:04     Maraqlı     1427

Çox şəkər istehlakı və ya yaxın adamın ölümü beyində eyni təsiri yaradır.

Publika.az xarici mətbuata istinadən xəbər verir ki, şəkərlə əlaqədar aparılan araşdırmada şok nəticələr əldə edilib. Məlum olub ki, şəkər istehlakı və erkən uşaqlıq dövründə yaşanan təcavüz, ya da uzun müddət davam edən stress beyində eyni təsiri yaradır. Şəkərlə beyin arasında bu əlaqə beyinə böyük zərər verir. Avstraliya Universitetinin araşdırmaçıları şəkərin və uzun müddət davam edən stresin beynə eyni ölçüdə zərər verdiyini açıqlayıb.

Uzun müddət davam edən stress, təcavüz və ağır travmalar nə qədər çox olarsa, insan yaşa dolduqca fəsadları artar. Belələri yaşlananda psixoloji problemləri yaranır.

Araşdırmada pis qidalanmanın da beyinə ciddi zərər verdiyi bildirilib.