iPhone almaq üçün qızını satdı

07.03.2016 11:29     Maraqlı     1524

Çində 19 yaşlı gənc iPhone smartfonu və motosikl almaq üçün yeni doğulmuş qızını satıb.

Hadisə Fuçjan vilayətindəki Tonqan şəhərində yaşanıb.
 
Milli.Az TheEpochTimes-a istinadən bildirir ki, Çju Duon həbs olunub. Polisdən verilən məlumata görə, o, ötən ilin mart ayında 18 günlük qızını arvadından gizlin satıb. O, uşağı 23 min yuana (təqribən 3500 dollar) satıbmış.
 
İşsiz, vaztını internet-kafedə keçirən Duon orta məktəbi başa vurmamışdı. Onun arvadı 17 yaşında idi.
 
Qadının ad və soyadı açıqlanmır, şərti olaraq "Syao Mey" kimi təqdim olunur.
Duon 18 yaşlı qızına alıcını Çindəki QQ onlayn hərracında tapıb. Alıcı uşağı alandan sonra bacısına vermək niyyətində idi.
Məhkəmə Duonu 3,5 il, onun arvadını isə 2 il müddətinə şərti olaraq azadlıqdan məhrum edib.
Uşağı alan şəxs də polisə müraciət edib. Qız hələ də onun bacısının evindədir.

 

Şərhlər

Çox oxunanlar