ABŞ ordusunun ilk qadın komandoları - FOTOLAR

22.08.2015 21:58     Maraqlı     2548

ABŞ-da iki qadın əsgər ölkə tarixinə adlarını qızıl hərflərlə yazdırıb. ABŞ ordusunun göz bəbəyi sayılan xüsusi təyinatlı qüvvələri – “Rangers”larda ilk dəfə iki qadın hərbi təhsillərini müvəffəqiyyətlə tamamlayaraq bu qüvvələrdə xidmət etməyə haqq qazanıblar. ABŞ ordusunda yüngül artilleriya birliyi kimi bilinən “Rangers”lar tarixində ilk dəfə bu il 19 qadın hərbi təlim proqramına daxil edilib.

Aprel ayında başlayan və 62 gün davam edən olduqca mürəkkəb təlimdən sonra iki qadın hərbçi  94 kişi hərbçi ilə eyni müvəffəqiyyəti göstərərək, xüsusi təyinatlı qüvvələr olan “Rangers”lara üzv olmaq haqqını əldə ediblər. ABŞ-ın Georgia əyalətində olan Fort Benning hərbi bazasında keçdiyimiz aprel ayında 381 kişi və 19 qadın əsgər xüsusi təlim keçməyə başlayıb. ABŞ ordusundan verilən açıqlamada, xüsusi təlimin meşədə, dağlıq ərazidə və Floridadakı bataqlıqlarda  keçirildiyi qeyd edilib. Açıqlaqma qeyd olunub ki, təlimlərdə kursantlar yorğunluq, aclıq və həddindən artıq stresslə necə mübarizə aparacaqları ilə bağlı təlimlər keçiblər.

Qeyd edək ki, ABŞ ordusunun xüsusi təyinatlı qüvvələrindən olan “Rangers”lar gecə qarşıdurmalarında olduqca professionaldırlar.