Ən səxavətli və ən xəsis xalqlar

Britaniyanın “Direct Line” sığorta şirkəti planetin ən populyar yerlərində - Barselona, Las-Veqas, Paris, San-Paulo və İbisada araşdırma aparıb. Reaksiya.az bu barədə Trend-ə istinadən məlumat verir.

Çay pulunda ən çox xəsislik edən xalq fransızlar olub. Onlar çay pulu kimi çekdəki ümumi hesabın yalnız 5 faizini qoyurlar. Halbuki dünya üzrə bu göstərici 11 faiz qəbul olunub. İkinci yerdə britaniyalılar (7 faiz), üçüncü yerdə isə italyanlardır.

Amerikalılar isə bu cəhətdən çox səxavətlidirlər. Onlar adətən çay puluna ümumi məbləğin 13 faizini qoyurlar. İkinci yerdə almanlar, üçüncü yerdə isə ruslar qərarlaşıb.

Tədqiqatçılar onu da qeyd ediblər ki, son vaxtlar ümumiyyətlə çay pulu qoyanların sayı kəskin azalıb.