"Titanik"in menyusu hərraca çıxarıldı

01.09.2015 14:42     Maraqlı     2855

"Titanik" gəmisinin bu günlərə qədər gəlib çatmış sonuncu menyusu online-hərracda satılacaq. Sentyabrın 30-da keçiriləcək hərracda nadir sənədin 70 min dollara alıcı tapacağı güman edilir.

Reaksiya.az Azərtac-a istinadən xəbər verir ki, menyu ilə birgə sərnişinlərin biri tərəfindən yazılmış məktub, həmçinin laynerdə təklif olunan türk hamamına bilet də hərraca çıxarılacaq.

Xatırladaq ki, dəbdəbəli səyahət gəmisi 1912-ci il aprelin 15-də Sautqemptondan Nyu-Yorka ilk səyahəti zamanı Atlantik okeanında aysberqlə toqquşaraq batmışdı.