Google haqda bilmədikləriniz - Maraqlı - VİDEO

04.09.2015 14:20     Maraqlı     2928

Google-dən hamı istifadə etsə də əksəriyət bunlardan xəbərsizdir.

Bugün GOOGLE-nin yaranma günüdür. Yarandığı vaxt adının DOODLE olduğunu isə çox az adam bilir.

Reaksiya.az sizə internetin az qala sinoniminə çevrilən Google haqqında maraqlı faktları təqdim edir.

- Qarajda fəaliyyətə başlayan və getdikcə böyüyən şirkət 1999-cu ilin noyabrında kirayəyə mənzil götürür. O vaxt şirkətin 40 işçisi olub.

- 2004-cü ildə “Google” səhmlərinin satışa çıxarlmasından sonra təxminən minə qədər şirkət işçisi milyoner olub.

- “Google”un qurucuları Lerri Peyc və Sergey Brin şirkətin böyük bir hissəsinə sahib deyil. Onlar yalnız 16 faiz pay sahibidirlər. Ancaq bu 16 faizin ümumi dəyəri 46 milyard dollardır.

- Google “Firefox” brauzerində əsas axtarış sistemi olmaq üçün hər il 300 milyon dollar ödəyir.

- Şirkət daxilində yeni işçiyə “Noogler”, təcrübəli işçiyə “Xoogler” deyilir.

- “Google” 2010-cu ildən bəri hər həftə bir şirkət satın alır.

Google-dən hamı istifadə etsə də əksəriyət aşağıda yazılanlardan xəbərsizdir:

- Askew-Google -də “Askew” ya da “tilt” sözlərini axtarışa versəniz, səhifənin bir az yana yatdığını hiss edəcəksiniz.

- Google Gravity- “Google Gravity” yazın və “Mən şanslıyam” düyməsinə basın. Səhifədəki bütün elementlərin yerin cazibə qüvvəsinə məğlub olduğunu, yerə düşdüyünü görəcəksiniz. İstəsəniz mause-siçanınız ilə bu söz-fiqur yığını ilə oynaya bilərsiniz.

- Recursion: “Özünü sonsuz olaraq təkrar etmə” mənasında olan bu sözü axtardığınız zaman, Google sizə eyni axtarışı etmənizi təklif edir.

- Chuck Norris hardadı?- “Where is Chuck Norris?” yazaraq axtarış etdiyiniz zaman sizi www.nochucknorris.com saytına istiqamətləndirərək “Google Chuck Norrisi axtarmayacaq, çünki siz Chuck Norrisi tapa bilməzsiniz, o sizi tapar” mesajı ilə qarşılaşacaqsınız.

- Google-nin xidmətlərindən biri olan Youtube-dən video izləyərkən irəli-geri-üst-alt düymələrini sürətli şəkildə basaraq ilan oyunu oynaya bilərsiniz.

- Google-də riyazi hesablamalar da aparmaq mümkündür.