Hindistan 4-cü ölkə oldu

29.09.2015 12:06 Maraqlı 2456

Hindistan ilk kosmik rəsədxananı və 6 peyki daşıyan gəmini kosmosa göndərib.

Reaksiya.az xəbər verir ki, bu barədə məlumatı Hindistanın Kosmos və Araşdırma Təşkilatı olan "Astrosat" adlı rəsədxana yayıb.

Məlumata görə, İndoneziya, Kanada və ABŞ-ın altı peykini daşıyan kosmik gəminin Benqal körfəzindəki Sriharikota Kosmos Bazasından müvəffəqiyyətlə havaya buraxıldığı açıqlanıb.

Hindistanın elm naziri Y.S. Choudhury rəsədxananın baş nazir Narendra Modinin Hindistanın kosmik proqramını inkişaf etdirmək üçün atdığı addımların bir parçası olduğunu söyləyərək elm adamlarını təbrik edib.

"Astrosat" 5 il ərzində kosmosun dərinliklərindəki ulduz sistemlərini araşdıracaq. Rəsədxana əldə etdiyi məlumatları Asiyanın “Silikon Vadisi” kimi tanınan Bangalore şəhərindəki nəzarət mərkəzinə göndərəcək.

Hindistan kosmos araşdırmaları üçün hər il 1 milyard dollarlıq büdcə ayırır.

Qeyd edək ki, Hindistan ABŞ, AB və Rusiyadan sonra Marsa peyk göndərən dördüncü ölkədir.

Hindistanın "Mangalyaan" adlı peyki 2014-cü ilin sentyabrın 24-də Marsın orbitinə daxil olub.