Xoşbəxt olmayanları polis sorğu-sual edəcək

28.10.2015 03:35 Maraqlı 1928

Birləşmiş Ərəb Əmirliklərində maraqlı qanun qəbul edilib. Şahzadə Şeyx Məhəmməd bin Rəşid-in verdiyi qərarla, əhali arasında sorğu keçiriləcək. Sorğu həm də internet vasitəsilə baş tutacaq.

Belə ki, Birləşmiş Ərəb Əmirlikləri hökuməti xoşbəxt insanların daha çox yaşadığı bir ölkəyə çevrilməyi qarşısına məqsəd qoyduğunu açıqlayıb.

Reaksiya.az trendə istinadən xəbər verir ki, Dubay şahzadəsi Şeyx Məhəmməd bin Rəşid ölkəsinin buna layiq olduğunu, hazırda bu sahədə dünyada 193 ölkə arasında 20-ci olduqlarını, lakin ilk 10-a girməyi hədəflədiklərini açıqlayıb.

Yeni qərara əsasən, kim xoşbəxtliyindən gileylənərsə, polis bunun səbəbini araşdıracaq və problem tezliklə həll olunacaq.

İndiyədək keçirilən anket sorğusunda ölkə əhalisinin 84%-i xoşbəxt olduğunu bildirib. 6% neytral, 10% isə xoşbəxt olmadığından gileylənib.