Qəhvə xəstəliklərdən qoruyur

20.06.2015 16:40 Maraqlı 1984

Qəhvə insanı 5 xəstəlikdən və qocalmadan qoruyur. Musavat.com xarici mənbəyə istinadən xəbər verir ki, belə bir qənaətə Harvard Universitetinin alimləri 130 min könüllü arasında bir neçə il ərzində apardıqları təhqiqat nəticəsində gəliblər.

"Yüksək ölüm riski və ağır ürək-damar xəstəlikləri hətta ən qatı kofemanlarda belə müşahidə edilmədi", - deyə doktor, həkim-genetik Rob Van Dam qeyd edib.

Dmitri Nikoqosov isə qəhvənin əla profilaktik vasitə olduğu xəstəliklərin siyahısını tərtib edib. "Ancaq qəhvə bir neçə xəstəliyin profilaktikası üçün yaxşı olsa da, heç də müalicə eləmir", - bildirib alim.

Belə ki, gün ərzində 1-2 fincan ətirli içki Alsheymer xəstəliklərindən, sirrozdan və qaraciyərin başqa problemlərindən, fibral aritmiyadan, şəkərli diabetdən qorunmağa və ümumi qocalmanı ləngitməyə imkan verir.

Bununla belə, həkimlər kəskinləşmə mərhələsində ikən hipertoniya, fibral aritmiya, qaraciyər və mədəaltı vəz xəstəlikləri zamanı, habelə hamiləlilik dövründə bu içkiyə çox aludə olmamağı tövsiyə edirlər.

"Qəhvəyə həvəs və ya laqeydlik genetik amillərdən asılıdır. Adam var, gündə 6 fincan içir, bir başqası - cəmi iki. Effekt isə eynidir, çünki kofemanlarda bu ətirli içki orqanizmdə çox ləngimir", - Nikoqosov vurğulayıb.