Azərbaycanda matəm elan olundu - Prezidentin sərəncamıyla

06.12.2015 13:40 Siyasi reaksiya 2219

Xəzərdə baş verən faciəyə görə dekabrın 6-sı Azərbaycanda matəm elan olunub.

Reaksiya.az-ın məlumatına görə, müvafiq sərəncamı Prezident İlham Əliyev imzalayıb.

Azərbaycan Respublikası Dövlət Neft Şirkətinin “Günəşli” yatağının 10 saylı stasionar dərin dəniz özülündə baş vermiş qəza nəticəsində həlak olanların xatirəsini yad etmək məqsədi ilə Azərbaycan Respublikasında matəm elan edilməsi haqqında Azərbaycan Respublikası Prezidentinin Sərəncamında deyilir:

"2015-ci il dekabrın 4-də Azərbaycan Respublikası Dövlət Neft Şirkətinin “Günəşli” yatağının 10 saylı stasionar dərin dəniz özülündə güclü qasırğanın doğurduğu qəza nəticəsində çoxsaylı insan tələfatı olmuşdur. Xəzər dənizində itkin düşənlərin axtarışı və xilas edilməsi tədbirləri davam etdirilir.

Qəza nəticəsində həlak olanların ailələrinin dərin kədərinə şərik olaraq qərara alıram:

2015-ci il dekabrın 6-da Azərbaycan Respublikasının ərazisində matəm elan edilsin."

Dekabrın 4-ü axşam saatlarında “Günəşli” yatağındakı 10-cu dərin dəniz özülündə güclü yanğın hadisəsi baş verib. SOCAR-dan ANS PRESS-ə verilən məlumata görə, baş verən güclü tufan saat 17.40 radələrində “Günəşli” yatağındakı 10-cu dərin dəniz özülündə qaz xəttini sıradan çıxarıb, nəticədə yanğın olub.

Rəsmi məlumata görə hadisə baş verən zaman platformada 64 nəfər olub. Onlardan 2-si dünyasını dəyişib, 33 nəfər təxliyyə olunub. 29 nəfərin taleyi isə hələlik naməlumdur. Onlar itkin düşmüş elan edilib. Ötən gün başlayan axtarış-xilasetmə əməliyyatları bu gün səhərdən dalğıcların cəlb olunması ilə davam etdirilir.

Axtarışı davam etdirilənlərin siyahısı:

1 Qasımov İman Şura o. 01.12.1967

2 Qasımov Mübariz Dilqəm o. 21.01.1958

3 Quliyev Fəxrəddin Xancan o. 05.01.1957

4 Rzaxanov Edik Rivazin o. 15.01.1983

5 Babazadə Tural Fətəli o. 01.09.1993

6 Quliyev Əzizağa Nöhbala o. 16.09.1953

7 Rəsulov Elşad Balaoğlan o. 24.03.1971

8 Qasımov Bayram Mirzəağa o. 20.03.1978

9 Abdullayev Adil Ələkbər o. 19,02,1953

10 Tağıyev Fuad Tahir oğlu 23.02.1981

11 Əbdüləzizov Əbdüləziz İsmayıl oğlu 30.01.1954