İlham Əliyevdən daha bir qanuna VETO

26.02.2016 12:42     Siyasi reaksiya     1060

Azərbaycan Prezidenti İlham Əliyev Milli Məclisin yanvarın 19-da keçirdiyi növbədənkənar plenar iclasda İnzibati Xətalar Məcəlləsinə edilən dəyişiklikdə nəzərdə tutulmuş yüksək cərimənin tətbiqinə veto qoyub.

Reaksiya.info  "Report"a istinadən xəbər verir ki, bu, ödəniş kartı ilə aparılan valyuta əməliyyatları üzrə icbari yığımın ödənilməməsinə görə fiziki və hüquqi şəxslərin ödənilməmiş məbləğin yüz faizi miqdarında cərimə edilməsi ilə bağlı İnzibati Xətalar Məcəlləsinin 225.5-ci maddəsinə edilən əlavənin ləğv olunmasını nəzərdə tutur.

Beləliklə, Azərbaycan Prezidenti Milli Məclisin növbədənkənar iclasında qəbul etdiyi ikinci dəyişikliyə veto qoymuş oldu.