Stalin: “İç bunu, lənətə gəlmiş...”

01.03.2016 10:41     Siyasi reaksiya     1315

Axar.az-ın “Qılınc və Qələm” layihəsində dünya siyasi liderlərinin yazdığı bədii mətnlər yayımlanır. SSRİ lideri İosif Stalinin iki şeirini təqdim edirik:

***

Evdən evə, həyətdən həyətə keçib

döyürdü yad qapıları

Əlində palıd ağacından düzəlmiş musiqi aləti

dodaqlarında məsum mahnıları...

Oxuduğu mahnı günəş qədər təmiz idi.

O mahnıda böyük həqiqət,

nəhəng arzu səslənirdi.

Daşa dönmüş ürəkləri də

döyündürə bildi o mahnı

Oyatdı çoxunun zülmətdə uyuyan ağlını.

Amma o torpağın adamları

şöhrət əvəzinə

bardaqda zəhərli su verdilər ona.

Dedilər, iç, lənətə gəlmiş,

iç bunu son damlasınadək.

sənin mahnın bizə yaddır

həqiqətinsə gərəksiz...

Təbiət

Yeni açan çəhrayı qönçə

Mavi bənövşəyə çevrilir tələsərək

Və yüngül meh ilə canlanır.

Vadidəki zanbaq isə əyilir çəmənlərin üzərinə.