Əhməd Davudoğlu: "Türkiyə Azərbaycanla çiyin-çiyinə durmaqda davam edəcək"

05.04.2016 14:10     Siyasi reaksiya     918

“Dağlıq Qarabağdakı təmas xəttində Ermənistanın hücumu ilə başlayan qarşıdurmanı yaxından izləyirik”.

APA-nın “Sabah” qəzetinə istinadən verdiyi məlumata görə, bu sözləri Türkiyə baş naziri  Əhməd Davudoğlu Ədalət və İnkişaf Partiyasının (AKP) həftəlik qrup toplantısında çıxışı zamanı deyib. O, partiya adından bu hücumların pislədiyini bildirib: “Həyatını itirən Azərbaycan şəhidlərinə Allahdan rəhmət diləyirəm. Azərbaycanlı qardaşlarıma başsağlığı verirəm. Türkiyə Ermənistan hücumlarına qarşı can Azərbaycanla çiyin-çiyinə durmaqda davam edəcək”.