Döyüş meydanında qalmış meyitlərin götürülməsi prosesi başa çatıb

08.04.2016 23:04     Siyasi reaksiya     1028

Beynəlxalq Qırmızı Xaç Komitəsinin (BQXK) Azərbaycan şöbəsinin əməkdaşları Dağlıq Qarabağın şimalında yerləşən Talış kəndinin yaxınlığında qoşunların təmas xəttində həlak olan 7 hərbçinin cəsədini götürüblər.

Reaksiya.info-nun verdiyi məlumata görə, Azərbaycan hərbçiləri aprelin 2-sivə 4-də Talış qəsəbəsi ətrafında iki dəfə düşmənin müdafiəsini yararaq Talışı tuta biliblər. Bu ərazidə xeyli sayda hərbçi həlak olub.

Yerli vaxtla saat 15:00-da qoşunların təmas xəttindəki postlardan birinə BQXK-nın hər iki tərəfdən nümayəndələri gəliblər.

BQXK-nın erməni əməkdaşları Azərbaycan tərəfinə təhvil vermək üçün həlak olmuş hərbçilərin cəsədini gətiriblər. Onların vasitəçiliyi ilə Azərbaycan tərəfindən həlak olmuş 6 hərbçinin cəsədi götürülüb.

Qeyd edək ki, Azərbaycan Müdafiə Nazirliyi bu gün yaydığı açıqlamada ATƏT nümayəndələri və Beynəlxalq Qırmızı Xaç Komitəsinin vasitəçiliyi ilə 15.00-dan 20.00-dək döyüş meydanında qalmış hər iki tərəfin hərbi qulluqçularının meyitlərinin götürülməsi prosesinin həyata keçiriləcəyini bildirmişdi.