"Dağlıq Qarabağ münaqişəsinin həllinə dəfələrlə yaxınlaşmışıq" - VİDEO

16.04.2016 18:15     Siyasi reaksiya     1000

Prezident Administrasiyası rəhbərinin müavini münaqişənin həlli istiqamətində məsələlərə toxunub.

"Dağlıq Qarabağ münaqişəsinin həllinə dəfələrlə yaxınlaşmışıq. Tərəflərin köməyi, təzyiqi və təklifi ilə. Amma razılıq verdikdən bir müddət sonra Ermənistan tərəfi hansısa qüvvələrin təsiri ilə mövqeyini dəyişib".

Bu fikirləri jurnalistlərə açıqlamasında Novruz Məmmədov deyib. Prezident Administrasiyası rəhbərinin müavini  münaqişənin həlli istiqamətində digər məsələlərə də toxunub: 

"Bundan əlavə, Avropada razılaşma əldə edilmişdi, onlar isə bizim ərazilərimizdə tez bir zamanda hərbi təlimlər keçirməyə başladılar. Təyyarələr və helikopterləri təmas xətti üzərində göyə qaldırdılar. Bir neçə il bundan əvvəl Jak Şirakla belə bir məsələ var idi, birdən-birə Robert Koçeryan bir bəhanə olmadan Parisi tərk etdi".