Ermənilər Tərtər rayonunun Qəzyan kəndini ağır artilleriyadan atəşə tutub - VİDEO

13.05.2016 23:46     Siyasi reaksiya     2375

Erməni hərbi birləşmələri Tərtərin yaşayış məntəqələrini ağır artilleriyadan atəşə tutmağa davam edir.

Reaksiya. info - nun rayon əhalisindən aldığı məlumata görə 20-dən çox mərmi Qazyan kəndinin əkin sahələrinə düşüb.

Müdafiə Nazirliyindən verilən məlumata görə, mayın 13-ü saat 18.20 radələrindən etibarən Ermənistan silahlı bölmələri tərəfindən Tərtər rayonunun Qəzyan kəndinin ərazisi 120 millimetrlik minaatanlardan atəşə tutulmağa başlayıb.

Silahlı Qüvvələrimizin bölmələri tərəfindən əməliyyat şəraitinə uyğun tədbirlər həyata keçirilir, düşmənin atəş nöqtələrinə cavab zərbələri endirilir.

Bu cür təxribatların nəticəsi olaraq gələcəkdə baş verə biləcək hadisələrə görə bütün məsuliyyət Ermənistanın kriminal hərbi-siyasi rejiminin üzərinə düşür.

Hazırda cəbhə xəttində gərginlik davam edir.