Rəsmi Bakı Almaniyaya etiraz etdi: - `Qətnamə qərəzlidir`

02.06.2016 19:23     Siyasi reaksiya     1235

`Almaniya Parlamentində qondarma “erməni soyqırımı” ilə əlaqədar 2 iyun 2016-cı il tarixində qəbul edilmiş qətnaməni qərəzli və qeyri-obyektiv hesab edirik. Tarixin saxtalaşdırılması və onun siyasi məqsədlər üçün istifadə edilməsi qəbuledilməzdir`.

AzVision.az xəbər verir ki, bunu XİN-nin Mətbuat Xidmətinin rəhbəri Hikmət Hacıyev Almaniya Parlamentinin 2 iyun 2016-cı il tarixində qondarma “erməni soyqırımı” ilə əlaqədar qəbul etdiyi qətnaməsini şərh edərkən deyib. 

`Almaniya Parlamentinin Ermənistanın Azərbaycana qarşı təcavüz və işğalına, Ermənistan ərazisində tarixi torpaqlarında və işğal olunmuş Azərbaycan ərazilərində bir milyondan artıq azərbaycanlıya qarşı Ermənistan tərəfindən törədilmiş qanlı etnik təmizləməyə, o cümlədən Xocalı soyqırımına etinasız qaldığı halda, 101 il əvvəl baş verdiyi iddia edilən “erməni soyqırımı” kimi saxtalaşdırılmış tarixi məsələyə dair birtərəfli qaydada qətnamə qəbul etməsi və ona dair mühakimələr yürütməsi ikili standartların bariz nümunəsidir.

Bu tarixi saxtakarlıq faktına parlament səviyyəsində münasibətin bildirilməsi Almaniya cəmiyyətinin və beynəlxalq ictimaiyyətin çaşdırılmasına xidmət edir`. -deyə, o əlavə edib.