Sabah Vyanada Dağlıq Qarabağ münaqişəsi müzakirə ediləcək

10.07.2016 18:33 Siyasi reaksiya 1248

ATƏT-in Minsk qrupu üzvləri münaqişə ilə bağlı gələcək addımlar barədə məlumatlandırılacaqlar.

Sabah Avstriyanın paytaxtı Vyanada Dağlıq Qarabağ münaqişəsi müzakirə olunacaq. ANS PRESS-in məlumatına görə, bu haqda ATƏT-in Minsk qrupunun amerikalı həmsədri Ceyms Uorlik öz tvitter səhifəsində yazı paylaşıb.

Həmsədr qeyd edib ki, müzakirələr zamanı ATƏT-in Minsk qrupununhəmsədrləri qrup üzvlərini münaqişə ilə bağlı görüşlər haqqında məlumatlandıracaqlar.

"Sabah Vyanada həmsədrlər ATƏT-in Minsk qrupunun üzvlərini görüşlər və növbəti addımlar haqqında məlumatlandıracaqlar", - deyə Ceyms Uorlik bildirib.

Ceyms Uorlikin paylaşdığı tvit

"ABŞ Qarabağ münaqişəsinin həllinə kömək etməyə hazırdır"

Amerikalı həmsədr iyulun 8-də də Dağlıq Qarabağ münaqişəsi ilə bağlı məlumat paylaşaraq qeyd etmişdi ki, ABŞ dövlət katibi Con Kerri Azərbaycan prezidenti İlham Əliyev və Ermənistan prezidenti Serj Sarkisyanla görüşüb.

"Hər iki tərəf müharibəni rədd edib və danışıqlar prosesinə sadiqliklərini bildiriblər. ABŞ Dağlıq Qarabağ münaqişəsinin həllinə kömək etməyə hazırdır”, - deyə amerikalı həmsədr bildirib.