İsveçrə Avropa İttifaqına daxil olmaqdan imtina etdi
03.08.2016 02:18 Siyasi reaksiya 1087
Avropa İttifaqı (Aİ) Şurası İsveçrədən bu quruma üzv olmasını nəzərdə tutan və 1992-ci ildə təqdim edilən ərizəsinin geri götürülməsi haqqında rəsmi bildiriş alıb. Trend RİA Novosti-yə istinadən xəbər verir ki, bu barədə Aİ Şurasından məlumat verilib.
Bildirilir ki, İsveçrənin 24 il əvvəl təqdim edilmiş ərizəsinin geri götürülməsi haqqında bildiriş ötən həftə Şuraya daxil olub.
İsveçrə üzvlüyü barəsində ərizəsini 1992-cü ildə Avropanın rəsmi qurumlarına təqdim edib.
Xatırladaq ki, Avropa İttifaqı 1993-cu ildə yaradılıb. Ərizə təqdim edildikdən sonra İsvecrədə referendum keçirilib və əhalinin əksər hissəsi Avropa iqtisadı məkanı ilə yaxınlaşmanı dəstəkləməyib. İnteqrasiya prosesləri dayandırılıb və üzvlük əvəzində İsveçrə və yeni yaranan Aİ arasında ikitərəfli sazişlər imzalanıb.
Şərhlər