Ceyms Uorlik: "Dağlıq Qarabağla bağlı qəfil sıçrayış gözləmək lazım deyil"
11.09.2016 21:03 Siyasi reaksiya 1029
ATƏT Ermənistan-Azərbaycan, Dağlıq Qarabağ münaqişəsinin illərlə uzanmayacağına ümid edir.
"Report" xəbər verir ki, bunu ATƏT-in Minsk qrupunun amerikalı həmsədri Ceyms Uorlik "İnterfax"a müsahibəsində bildirib.
"Biz ümid edirik ki, sülh yolu ilə nizamlanma prosesi illərlə davam etməyəcək, amma, əlbəttə ki, bu məsələ ilə bağlı qəfil sıçrayış gözləmək lazım deyil. Danışıqlar zaman və çoxsaylı müzakirələr tələb edir. Lakin bizim irəliyə getmək üçün yolumuz var, konkret təkliflər var. Prezidentlər bu məsələdə iştirak edirlər.
Mən məsələnin sabah, bir həftə və ya bir ay sonra nizamlanacağını əvvəlcədən söyləyə bilmərəm, amma prezidentlər irəliləmək üçün siyasi iradə nümayiş etdirsələr, nizamlanmanın bütün elementləri hazırdır", - deyə o bildirib.
Şərhlər