Azərbaycanlı deputatlar Rusiyada seçkiləri müşahidə edəcəklər
15.09.2016 15:43 Siyasi reaksiya 1133
Milli Məclisin (MM) deputatları sentyabrın 18-də Rusiya Dövlət Dumasına keçiriləcək növbəti seçkiləri müşahidə etmək üçün sabahdan bu ölkənin bir sıra şəhərlərində səfərdə olacaqlar.
Bu barədə Modern.az-a MM-dən məlumat verilib.
Məlumata görə, parlamentin Hüquq siyasəti və dövlət quruculuğu komitəsinin sədri Əli Hüseynli, deputat Muxtar Babayev Müstəqil Dövlətlər Birliyinin İcraiyyə Komitəsinin xətti ilə Moskva və Tver, deputatlar Rüfət Quliyev və Mixail Zabelin MDB Parlamentlərarası Assambleyasının müşahidə missiyasının tərkibində Sankt-Peterburq və Moskva şəhərlərində seçkiləri izləyəcəklər.
Azərbaycanlı deputatlar seçki məntəqələrində yaradılmış şəraitlə tanış olacaq, seçicilərin fəallığına diqqət yetirəcəklər.
Səfər sentyabrın 20-də başa çatacaq.
Şərhlər