Nazir müavini: "Azərbaycanın mövqeyinin "Şərq tərəfdaşlığı" sammitinin bəyannaməsində əksini tapmasına çalışırıq"
17.11.2017 15:36 Siyasi reaksiya 2728
"Bir neçə həftədir Brüsseldə keçiriləcək Avropa İttifaqının "Şərq tərəfdaşlığı" sammitinin bəyannaməsi üzərində danışıqlar aparılır".
Reaksiya.az xəbər verir ki, bunu APA-ya açıqlamasında xarici işlər nazirinin müavini Mahmud Məmmədquliyev deyib. O bildirib ki, zirvə toplantısına hələ bir həftə qalıb və bəyannamə ilə bağlı danışıqlar davam edir: “Bəyannamənin ilkin versiyası ilə çoxdan tanışıq. İşlər gedir. Görüşlər keçirilir. Azərbaycanın mövqeyinin öz əksini tapması üçün çalışırıq”.
Nazir müavini qeyd edib ki, aviasiya sazişi üzərində də işlər davam etdirilir: “Bir-iki məsələ həll olunsa, sazişi sammitdə imzalamaq olmasa da, paraflamaq olar. Bu, Azərbaycan üçün maraqlı sazişdir. Sazişdə insanlar arasında ünsiyyət, gediş-gəliş və sair məsələlər olacaq. Bu, əlbəttə ki, yaxşı saziş olmalıdır”.
Şərhlər