Jirinovski: Qarabağ Rusiyaya birləşdirilsin
12.11.2018 14:28 Siyasi reaksiya 867
Həll olunmamış münaqişələrin yalnız bir həll yolu var: milli sərhədləri qorumaqla, Rusiya ilə federasiyada birləşmək.
Reaksiya.az xəbər verir ki, Rusiya Dövlət Dumasının deputatı, LDPR fraksiyasının rəhbəri Vladimir Jirinovski Report-a verdiyi müsahibəsində həll olunmamış regional münaqişələrdən danışarkən belə deyib:
“Həll olunmayan problemlər barədə danışırıqsa, bu, Dağlıq Qarabağdır. Bu münaqişə, demək olar, 30 ildir qalır. Təəssüf ki, bu, postsovet məkanında millətlərarası münaqişənin müharibəyə səbəb olduğu yeganə region deyil. Ukrayna, Gürcüstan, Mərkəzi Asiya ölkələri - hər yerdə oxşar problemlər var.
Yalnız bir həll yolu var: milli sərhədləri qorumaqla, Rusiya ilə federasiyada birləşmək. Əlbəttə ki, yalnız könüllü qaydada, referendum yolu ilə. Yalnız vahid dövlət çərçivəsində biz bu cür anlaşılmazlıqları aradan qaldıra bilərik, daha kimsə başqasının onun torpağını işğal etdiyinə görə narahat olmayacaq, bütün bunlar ümumi olacaq”.
Şərhlər