"Son aylar ölkəmizə qarşı başlanmış qarayaxma kampaniyası daha da güclənir” - BƏYANAT

06.06.2015 15:21     Siyasi reaksiya     1098

Bu gün “Bakı 2015” Birinci Avropa Oyunlarına Dəstək: Vətəndaş Cəmiyyəti Koalisiyası BMM-də “İnsan hüquqlarına yanaşmada ikili standartlar” mövzusunda Dəyirmi masa keçirib. Reaksiya.az xəbər verir ki, tədbirdə politoloqlar, QHT sədrləri və KİV rəhbərləri iştirak edirdi.  

Tədbiri açan Koalisiyanın koordinatoru, Beynəlxalq Münasibətlərin Araşdırılması Mərkəzinin sədri Rufiz Qonaqovbildirib ki, bu möhtəşəm idman bayramı yaxınlaşdıqca Azərbaycana dost olmayan dairələrin narahatlığı artır: “Bir mərkəzdən idarə olunan dairələr Azərbaycanın müstəqil siyasətini qəbul etmir, cəmiyyətimizi daxildən parçalamağa çalışırlar. BMT-nin insan haqları müdafiəçiləri üzrə xüsusi məruzəçisi Miçel Forst, ATƏT-in media azadlığı üzrə təmsilçisi Dunya Mijatoviç və Avropa Şurasının insan haqları komissarı Nils Mujnieksin birgə məqalə yazması nədən xəbər verir?”

Koalisiyanın koordinatoru, “Bakı-xəbər” qəzetinin baş redaktoru Aydın Quliyev deyib ki, iyunun 10-da Avropa Parlamentində Avropa  Oyunları və insan haqları ilə bağlı dinləmələr keçiriləcək: “BMT-nin insan haqları müdafiəçiləri üzrə xüsusi məruzəçisi Miçel Forst, ATƏT-in media azadlığı üzrə təmsilçisi Dunya Mijatoviç və Avropa Şurasının insan haqları komissarı Nils Mujnieksin birgə məqaləsindən niyyətləri görünür. Məqalədə yazılır ki, Azərbaycanda beynəlxalq təşkilatların nümayəndəsi, əcnəbi hüquq müdafiəçiləri də təzyiqlərə məruz qalır. Belə hal nə zaman olub? Bu göstərir ki, Azərbaycanın Avropa Oyunlarına Azərbaycanın yüksək səviyyədə hazırlaşdığını görən bu dairələr fəallaşıb, kili standartlarla çıxış etməkdədirlər”.

Koalisiyanın  eksperti, İnsan Hüquqları və Maarifçilik İctimai Birliyinin sədri Rəfail Becanov Avropa ölkələrində illik korrupsiyanın həcminin 323 milyard dollar olduğunu və bunun hesabatlarda əksini tapdığını qeyd edib.

Milli Qeyri-Hökumət Təşkilatları Forumunun prezidenti Rauf Zeyni Azərbaycana qarşı çıxan dairələrin ölkəmizin müstəqilliyini təhdid etdiklərini vurğulayıb: “Dövlət başçısının da elan etdiyi kimi Azərbaycan heç vaxt öz müstəqil xəttindən geri çəkilməyəcək”.

Tədbirdə  çıxış edən “Konstitusiya” Araşdırmalar Fondu  təşkilatının  sədri Əliməmməd Nuriyev Avropa Şurasının insan haqları Komissarı Nils Muzinieks, BMT-nin məruzəçisi Mişel Forst və ATƏT-in media azadlığı üzrə nümayəndəsi Dunja Mijatoviçin Azərbaycana qarşı yazdığı məqaləyə  münasibət  bildirib. Onun sözlərinə  görə, adları  çəkilən şəxslər  Azərbaycan barədə neqativ  bəyanatlar verir: “Və bunun  üçün külli miqdarda vəsait  sərf edilir”. Azərbaycana qarşı qüvvələrin formalaşdığını və bəyanatların verildiyini deyən  Ə.Nuriyev  qeyd edib ki, lakin 19 fevral 2008-ci ildə Ermənistanda parlament seçkilərinin saxtalaşdırılması zamanı baş verən  gülləbaranla bağlı heç bir beynəlxalq təşkilat  tərəfindən bəyanat  verilmədi. 

“İki sahil” qəzetinin Baş redaktoru Vüqar Rəhimzadə bildirib ki, bu gün Avropa ölkələrinin əksəriyyətində mövcud olmayan demokratiya Azərbaycanda var. Onun sözlərinə  görə, Azərbaycana qarşı  bəyanatlar verilir,  Dağlıq Qarabağ məsələsi ikili standartların təsirinə  məruz qalır: “Lakin Azərbaycan müstəqil siyasət  yürüdür. Hər bir Azərbaycan vətəndaşı  öz mövqeyini qətiyyətli şəkildə  nümayiş etdirməlidir”.  

Politoloq Elman Nəsirov  qeyd edib ki, Azərbaycana gələn zərbələrin adı, soyadı bəllidir. O  bildirib ki, xarici dövlətlər, QHT-lər, erməni lobbisi və Ermənistan dövləti, öz daxilimizdəki qüvvələrlə əməkdaşlıq edən “5-ci kalon”  Azərbaycana qarşı  təzyiq edir. Politoloqun sözlərinə  görə, Azərbaycana qarşı edilən təzyiqlər  özünü bir  neçə mərhələdə göstərir : “12 iyun - Avropa Oyunlarını  başlanmasına qədər biz bu  təzyiqlərin birinci mərhələsini yaşayırıq”. 

E.Nəsirov  qeyd edib ki, əvvəlcə  daha çox Avropa Oyunlarının  boykot  edilməsi gündəmdə  idi: “Bu mərhələdə  təəssüf ki, Avropa Parlamenti  öz fəallığı ilə seçildi, Azərbaycana aid dinləmələr  keçirildi. Bütün bu təzyiqlərin kökündə bir amil dayanır. Bu da Prezident İlham Əliyevin müstəqil siyasət yeritməsidir”.

Politoloq Mübariz Əhmədoğlu qeyd edib ki, Azərbaycanın müstəqil siyasəti real nəticə verir:  “Azərbaycan beynəlxalq tədbirlərə  ev sahibliyi edən və humanitar problemlərin həll edildiyi ölkədir. Azərbaycanın müstəqilliyi davamlı inkişafını ortaya qoyur. Ermənistanda 2013-cü ildə keçirilən prezident seçkiləri ilə bağlı ATƏT-in Demokratik Təsisatlar və İnsan Haqları Bürosunun hesabatı belə yoxdur”.

“Yeni Azərbaycan” qəzetinin Baş redaktoru Hikmət Babaoğlu qeyd edib ki, Şərq Tərəfdaşlığının  Riqa sammitində gördük ki, Azərbaycanın ərazi bütövlüyünü tanımaq istəmirlər: “Azərbaycanın  prinsipial mövqeyini görüb, onun öz ərazilərini güzəştə  getməyəcəyini bilib,  güc tətbiq etməyə çalışırlar. Ayrı-ayrı şəxslərin məqalələri, beynəlxalq təşkilatlar vasitəsilə Azərbaycana təzyiq etməkdir”. 

Qeyd edək ki, tədbir mövzu  ətrafında çıxışlarla  davam edib. Sonda isə vətəndaş cəmiyyəti institutları və KİV adından Azərbaycana təzyiqlərlə əlaqədar bəyanat qəbul edilib.  Bəyanatda deyilir: 

- Birinci Avropa Oyunlarının başlanmasına  bir həftədən də az vaxt qalır. 100 milyonlarla tamaşaçı tarixdə ilk dəfə keçirilən bu möhtəşəm tədbirin açılış mərasimini və Avropanın ən güclü atletlərinin qələbə uğrunda mübarizəsini maraqla izləməyə hazırlaşır. Şübhə yoxdur ki, ölkəmizə gələn idmançılar, jurnalistlər və turistlər yarışların yüksək səviyyədə təşkilinin şahidi olacaq, Azərbaycanın hərtərəfli inkişafı və bənzərsiz gözəlliyi, xalqımızın milli-mənəvi dəyərləri, mədəniyyəti və tolerantlıq ənənələri barədə zəngin təəssüratlar qazanacaqlar. Eyni zamanda, Avropa Oyunları zamanı ərazilərimizin işğalı, qaçqın və məcburi köçkünlər, xalqımıza qarşı törədilmiş soyqırımlar və digər problemlərimiz haqqında dünya ictimaiyyətinə daha dolğun məlumatlar çatdırmaq imkanı yaranacaqdır.

Lakin bu möhtəşəm idman bayramı yaxınlaşdıqca, Azərbaycana dost mövqedə olmayan bəzi dairələrin narahatlığı artır, son aylar ölkəmizə qarşı başlanmış qarayaxma kampaniyası daha da güclənir. Bir mərkəzdən idarə olunan bu qüvvələr Azərbaycan Respublikasının regionda sülhün və təhlükəsizliyin möhkəmləndirilməsinə, bərabərhüquqlu tərəfdaşlığın genişlənməsinə yönəlmiş  müstəqil siyasətini qəbul etmək istəmir, cəmiyyətimizi daxildən parçalamağa uğursuz cəhd göstərirlər. BMT-nin insan haqları üzrə xüsusi məruzəçisi Miçel Forst, ATƏT-in media azadlığı üzrə təmsilçisi Dunya Miyatoviç və Avropa Şurasının insan haqları komissarı Nils Mujnieksin iyunun 3-də “Open Democracy” portalında yayılmış birgə məqaləsi də anti-Azərbaycan şəbəkəsinin növbəti təxribatı olub həmin məqsədə xidmət edir. Görünür, Avropa Oyunlarının əhəmiyyətini azaltmaq, Azərbaycan hökumətini və yarışların Təşkilat Komitəsini ruhdan salmaq, tədbiri boykot etmək kimi çirkin niyyətlərinə nail ola bilməyən anti-Azərbaycan şəbəkəsi bu dəfə özünün “ağır artilleriyası”nı işə salmaq həvəsinə düşərək həmin “üçlüyü” irəli vermişdir. 

Azərbaycanda repressiyaların, vətəndaş cəmiyyətinə basqıların olduğunu iddia edən bu üzdəniraq “üçlük” guya orijinallıq göstərərək yeni üsul düşünmüş, Avropa idmançılarını siyasi təzyiq alətinə çevirərək, konkret cinayət əməllərinə görə mühakimə olunmuş bir neçə nəfəri dəstəkləmək üçün “ayağa qalxmağa” çağırmışdır.

“Bakı - 2015: Birinci Avropa Oyunlarına Dəstək” Vətəndaş Cəmiyyəti Koalisiyası hesab edir ki, Ermənistanın təcavüzü nəticəsində hüququ pozulmuş bir milyondan çox azərbaycanlı qaçqın və məcburi köçkünün taleyi, Dağlıq Qarabağdakı quldur rejim tərəfindən girov götürülərək işgəncələrə məruz qalan və qanunsuz mühakimə edilən vətəndaşlarımızın hüquqları barədə indiyə qədər bir kəlmə də danışmayan beynəlxalq hüquq-müdafiə məmurlarının bu cür məsuliyyətsiz bəyanatlar səsləndirməyə və çağırışlar etməyə heç bir mənəvi haqqı yoxdur.  Yaxşı olardı ki, onlar adından fəaliyyət göstərdikləri BMT, ATƏT və Avropa Şurası kimi təşkilatların fəaliyyətinin güclənməsi və məqsədlərinin həyata keçirilməsi sahəsində Azərbaycan Respublikasının oynadığı sanballı rolu nəzərə alaraq, şərin və böhtanın deyil, haqqın və ədalətin yanında yer alsınlar.

“Bakı - 2015: Birinci Avropa Oyunlarına Dəstək” Vətəndaş Cəmiyyəti Koalisiyası olaraq bir daha bəyan edirik ki, Azərbaycan demokratiya və insan hüquqları sahəsində üzərinə götürdüyü bütün beynəlxalq öhdəlikləri layiqincə yerinə yetirir. Ölkəmiz vətəndaş cəmiyyətinin inkişafı, söz və mətbuat azadlığının səviyyəsinə görə keçmiş sovet respublikaları içərisində qabaqcıl mövqedə durur və bir çox ölkələrə nümunə ola bilər.

Bəyanata aşağıdakı qeyri-hökumət təşkilatları və kütləvi informasiya vasitələri qoşulmuşlar:

1. Beynəlxalq Münasibətlərin Araşdırılması Mərkəzi                                                                                                                    

2. İnsan Hüquqları və Maarifçilik İctimai Birliyi

3. Demokratik Jurnalistlər Liqası

4. “ELS” Müstəqil Araşdırmalar Mərkəzi

5. Milli QHT Forumu

6. Qarabağ Müharibəsi Veteranları, Əlilləri və Şəhid Ailələri İctimai Birliyi

7. Vətən Müharibəsi Veteranları İctimai Birliyi

8. “Konstitusiya Araşdırmaları” Fondu

9. “Paradiqma” İctimai-Siyasi Tədqiqatlar İctimai Birliyi

10. Azərbaycan Gənclərinin Avropaya İnteqrasiya Təşkilatı İctimai Birliyi

11.  “İrəli” İctimai Birliyi

12. Jurnalistlərin Həmkarlar İttifaqı

13.  “Jurnalist Araşdırmaları Mərkəzi” İctimai Birliyi

14.  “Jurnalistika və İnkişaf Mərkəzi” İctimai Birliyi

15.  “Cəmiyyətin və Vətəndаş Münаsibətlərinin İnkişаfı” İctimаi Birliyi

16.  “Vətəndaşların Əmək Hüquqlarını Müdafiə Liqası” İctimai Birliyi

17.  “Türkiyə Universitetləri Məzunları” İctimai Birliyi

18.  “Azərbaycan Demokratik Tələbə Gənclər Təşkilatı” İctimai Birliyi

19.  “Azərbaycanın İşğal Olunmuş Ərazilərindəki Tarix və Mədəniyyət Abidələrini Müdafiə Təşkilatı” İctimai Birliyi

20.  “Dünya Gənc Türk Yazarlar “ İctimai Birliyi

21.  “Gənc Sahibkarlar Klubu” İctimai Birliyi

22.  “Əlil Təşkilatları İttifaqı” İctimai Birliyi

23.  “Azərbaycan Gənc Alim, Aspirant və Magistrlər Cəmiyyəti” İctimai Birliyi

24.  “Demokratik İslahatçı Gənclər” İctimai Birliyi

25.  “Tərxis Olunmuş Hərbçilərin Gəncləri Maarifləndirmə” İctimai Birliyi

26.  “Bələdiyyələrin İnkişafına Yardım”  İctimai Birliyi 

27.  “Gənc Vətənpərvərlər” İctimai Birliyi

28.  “Gənc Mühasiblər” İctimai Birliyi

29.  “Demokratiyanın və Milli Dəyərlərin Təbliği” İctimai Birliyi

30.  “Sosial Rifah və Tədqiqatlar” İctimai Birliyi

31.  “Azərbaycan Tələbə Gənclər Təşkilatları İttifaqı “İctimai Birliyi

32.  “Hüquqi və Demokratik İslahatlar Mərkəzi” İctimai Birliyi

33.  “SAF Həyat Naminə” Gənclər İctimai Birliyi

34.  “Müharibə Veteranları və Beynəlmiləlçi Hərbiçilər” İctimai Birliyi

35. Beynəlxalq Mətbuat Klubu”  İctimai Birliyi

36.  “Aqro Tərəqqi “ İctimai Birliyi

37.  “Gənclərin Sosial-İqtisadi İnkişafına Yardım” İctimai Birliyi

38.  “Azərbaycan Maarifçi Gənclər Təşkilatı”

39.  “İctimai Problemlərin Tədqiqi Asossiasiyası”

40.  “Azərbaycan Gənclər  İttifaqı”

41.  “Ekonomiks”  Beynəlxalq İqtisadi Araşdırmalar İctimai Birliyi

42.  “Rəvan” Gəncliyə Dəstək İctimai Birliyi

43. “ Demokratik Seçki Mərkəzi”

44.  “ Demokratik Azərbaycan Naminə” İctimai Birliyi

45. Gənclər Təşkilatları Milli Şurası

46.  “Bizim Nəsil” Gənclərin Regional İnkişaf Assosiasiyası

47. Siyasi İnnovasiya və Texnologiya Mərkəzi

48. AVCİYA

49.  “İnsan Hüquqları XXI Əsr – Azərbaycan”  Fondu

50.  “Əlil Sahibkarlar Təşkilatı” İctimai Birliyi

51. Beynəlxalq Avrasiya Fondu 

52.  “Demokratik Cəmiyyət və Qadın Hüquqlarının Müdafiəsi” İctimai Birliyi

53.  “Xocalı Soyqırımını Tanıtma İctimai Birliyi 

54. Azərbaycan-Slavyan Gənclər Assosiasiyası

55.  “Tərəqqi” Sosial-İqtisadi Araşdırmalar İctimai Birliyi

56. “Kaspi” qəzeti

57.  “Azadinform” İnformasiya Agentliyi

58.  “Səs” qəzeti

59.  “Yeni Azərbaycan” qəzeti

60.  “İki sahil” qəzeti

61.  “modern.az” saytı

62.  “Gündəlik teleqraf” qəzeti

63.  “APA” İnformasiya Agentliyi

64.  “virtualaz.org” saytı

65.  “azvision.az” saytı

66.  “aznews.az” saytı 

67.  “Xalq cəbhəsi” qəzeti 

68.  “Olaylar” qəzeti 

69.  “Bakı-xəbər” qəzeti 

70.  “Şərq” qəzeti 

71.  “525-ci” qəzet 

72.  “Bizim yol” qəzeti 

73. Palitra qəzeti

74. “Mövqe” qəzeti

75.  “qafqazinfo.az” saytı

76. “1news.az” saytı

77.  “veteninfo.az” saytı