Müxalifət partiyaları seçkidə güzəştə gedə bilərmi?

17.08.2015 15:08     Siyasi reaksiya     2197

Qarşıdan gələn parlament seçkilərində müxalifət namizədlərinin qələbə çalmaq şansı bir o qədər də yüksək deyil. Bu zaman belə fikir formalaşır ki, ümumən müxalifətin xeyrinə görə seçkidə iştirak edəcək müxalifət partiya nümayəndələri seçki öncəsi digər həmkarlarına güzəşt edə bilərlərmi?

Millət vəkili, Böyük Quruluş partiyasının sədri Fazil Mustafa reaksiya.az-a belə bir halın mümkünlüyünü bildirib:

“Bu partiyalararası münasibətlərdən asılı məsələdir. Əgər konkret dairələr üzrə razılaşma olarsa, bir-birinə güzəştə getmək doğru addım olardı. Ancaq indiki şərtlərlə Azərbaycanda siyasi münasibətlər o qədər də arzuolunan səviyyədə deyil. Hər halda bir-birinə yaxın partiyaların belə bir uzlaşması mümkündür”.