Slavyan qardaşlığı - Rusiya, Belarus və Serbiyadan ortaq "müharibə oyunları”

17.08.2015 17:19     Siyasi reaksiya     2903

Rusiya və Belarusun yaratdığı “Slavyan qardaşlığı-2015” təlimində bu il Serbiya da iştirak edəcək.

Rusiyanın müdafiə naziri Sergey Şoyqu bu gün Moskvada Serbiyanın müdafiə naziri Bratislav Gasic ilə bir araya gəlib.

Görüşdən sonra Şoyqu "Slavyan qardaşlığı-2015” təliminə böyük əhəmiyyət verdiklərini söyləyib:

“Belarusla keçirəcəyimiz təlimdə hərbi desant peşəkarlığını, müharibəyə hazırlıq vəziyyətini və qabiliyyətlərimizi nümayiş etdirmək üçün əlimizdən gələni edəcəyik".

Serbiyalı nazir Gasic isə “Slavyan qardaşlığı-2015” təliminə başlamaqdan böyük məmnunluq duyacaqlarını ifadə edib. Gasic bunun sayəsində Serbiya ordusunun taktika tutumunun artacağını vurğulayıb. Rusiya müdafiə nazirinin müavini Anatoli Antonov Şoygu-Gasiclə görüşündən sonra verdiyi açıqlamada Gasicin “Slavyan qardaşlığı-2015” təlimində iştirak etmək təklifinin qəbul edildiyini söyləyib.

Antonov quru, havadan zərbə və hava-kosmik qüvvələrinin iştirakı ilə keçiriləcək təlimin xüsusi əhəmiyyətə malik olduğunu vurğulayıb.