Lavrov Stokholmda ABŞ dövlət katibi və Türkiyə XİN başçısı ilə görüşəcək

01.12.2021 11:59     Siyasi reaksiya     315

Rusiya xarici işlər naziri Sergey Lavrov ATƏT xarici işlər nazirləri Şurasının İsveçin paytaxtı Stokholm şəhərində təşkil olunacaq iclası çərçivəsində bir sıra ikitərəfli görüşlər keçirəcək.

APA-nın Moskva müxbirinin verdiyi məlumata görə, bu barədə Rusiya Xarici İşlər Nazirliyinin rəsmi nümayəndəsi Mariya Zaxarova bu gün keçirdiyi brifinqdə bildirib.

O, Lavrovun dekabrın 2-3-də Stokholmda ATƏT XİN başçıları Şurasının iclası çərçivəsində ABŞ dövlət katibi Entoni Blinken, Türkiyə xarici işlər naziri Mövlud Çavuşoğlu ilə ikitərəfli görüşlər keçirəcəyini söyləyib: “Bundan başqa Rusiya XİN başçısı ATƏT-in fəaliyyətdə olan sədri, İsveç, İspaniya, Macarıstan və digər ölkələrdən olan həmkarları ilə ikitərəfli görüşlər keçirəcək”.

Reaksiya.az

Şərhlər