Netanyahunun Türkiyəyə səfəri təxirə salındı

23.07.2023 16:24     Siyasi reaksiya     333

İsrailin Baş naziri Benyamin Netanyahu səhhəti ilə əlaqədar Türkiyə və Kiprə planlaşdırılan səfərlərini təxirə salmağa məcbur olub.

"Reaksiya.az" xəbər verir ki, Netanyahunun sözçüsü Topaz Luk bu məlumatı təsdiqləyib.

“Baş nazirin nəzarət altında qalması tələb olunur, bu, belə tibbi müdaxilədən sonra standart prosedurdur”, - Luk bildirib.

Onun sözlərinə görə, hazırda baş nazirin ofisi səfərlərin sentyabr ayına keçirilməsi ilə bağlı danışıqlar aparır.

Səfərlərin təxirə salınması ötən gecə Benyamin Netanyahya kardiostimulyator qoyulması əməliyyatı ilə bağlıdır və o, bir neçə həftə mütəxəssislərin nəzarəti altında olmalıdır.

Qeyd edək ki, İsrail baş nazirinin Kiprə səfəri iyulun 27-nə, Türkiyəyə səfəri isə iyulun 28-nə planlaşdırılmışdı.

Şərhlər