Lebedev seçkilərdən danışdı
07.02.2024 14:45 Siyasi reaksiya 88
MDB-nin Baş katibi və təşkilatın müşahidə missiyasının rəhbəri Sergey Lebedev Azərbaycanda keçirilən prezident seçkilərində seçicilərin fəallığının yüksək olduğunu məmnunluqla qeyd edib.
Reaksiya.az xəbər verir ki, bu sözləri 23 saylı Nəsimi-Səbail seçki dairəsinin 38 saylı seçki məntəqəsində müşahidə aparan Sergey Lebedev jurnalistlərə açıqlamasında deyib.
Onun sözlərinə görə, Azərbaycanda növbədənkənar prezident seçkilərində səsvermə prosesi mütəşəkkil şəkildə keçirilir və yüksək seçici fəallığı müşahidə olunur.
Sergey Lebedev bildirib ki, seçici fəallığının yüksək olması həm də vətəndaşların seçkilərdə iştiraka olan marağını göstərir:
“Vətəndaşlar ölkədə sabitliyin, əmin-amanlığın hökm sürməsində maraqlıdırlar. Açığı, biz, sizin MDB-dəki tərəfdaşlarınız olaraq Cənubi Qafqazda sülhün və sabitliyin tam bərpa olunmasında, Azərbaycanın və digər qonşu respublikaların gələcək mütərəqqi inkişafı üçün şəraitin yaradılmasında son dərəcə maraqlıyıq”.
Şərhlər