İsrail tam geri çəkilməsə, imzalamayacağıq - Livan

23.04.2026 18:09     Siyasi reaksiya     169

İsrail ordusu ərazimizi tam şəkildə tərk etməsə, Livan heç bir razılaşma imzalamayacaq.

"Reaksiya.az" APA-ya istinadla xəbər verir ki, bunu Livanın Baş naziri Nəvaf Salam "Vaşinqton Post" qəzetinə müsahibəsində deyib.

“Biz dırnaqarası bufer zona, İsrail ordusunun varlığı və əhalinin yaşadıqları yerə qayıda bilməməsi reallığı ilə yaşaya bilmərik”, - baş nazir vurğulayıb.

O, ABŞ-ın İsrailə təsir gücünə malik olduğunu və atəşkəsin bərqərar olmasında rəsmi Vaşinqtonun kritik rolu olduğunu bildirib:

“Ümid edirik ki, ABŞ bu təsir gücündən istifadə etməyə davam edəcək”

Nəvaf Salam Hizbullahın tərksilah edilməsinin bir gecəlik hadisə yox, özü-özlüyündə bir proses olduğunu vurğulayıb.

Qeyd edək ki, bu gün Vaşinqtonda İsrail və Livan arasında danışıqlar baş tutacaq.