Namizədlərin irəli sürülməsi prosesi başlandı

29.08.2015 14:54 Siyasi reaksiya 2579

Azərbaycan Mərkəzi Seçki Komissiyasının (MSK) bu gün keçirilən iclasında Milli Məclisə seçkilərin hazırlanıb keçirilməsi üzrə tədbirlərin Təqvim Planı təsdiqlənib.

Reaksiya.az xəbər verir ki, MSK sədri Məzahir Pənahov xatırladıb ki, prezidentin 28 avqust tarixli sərəncamına əsasən Milli Məclisə seçkilər bu il noyabrın 1-də keçiriləcək.

Təqvim Planına əsasən namizədlərin irəli sürülməsi prosesi bu gündən başlanır.

Namizədin qeydə alınması üçün zəruri olan seçki sənədləri sentyabrın 12-dən oktyabrın 2-si saat 18:00-dək dairə seçki komissiyalarına təqdim edilməlidir.

Seçkiqabağı təşviqatın aparılmasına isə oktyabrın 9-da başlanır, 31 oktyabr saat 08:00-da dayandırılır.