Ərdoğan Bakıya gəlir

10.06.2015 15:29     Siyasi reaksiya     1869

Türkiyə Prezidenti Rəcəb Tayyib Ərdoğan Azərbaycan Prezidenti İlham Əliyevin dəvəti ilə iyunun 12-də Bakıya ikigünlük işgüzar səfərə gələcək.

Reaksiya.Az-ın məlumatına görə, bu barədə Türkiyə mətbuatı yazıb.

Bildirilir ki, dost ölkənin dövlət başçısı və onu müşayiət edən dövlət və hökumət nümayəndələri Bakıda keçiriləcək Birinci Avropa Oyunlarının təntənəli açılış mərasimində iştirak edəcək.

R.T.Ərdoğanın iki gün davam edəcək səfəri çərçivəsində Prezident İlham Əliyev, həmçinin "Bakı-2015" mərasimlərinə qatılacaq digər xarici ölkələrin liderləri ilə ikitərəfli görüşlər keçirməsi planlaşdırılır.