Minsk qrupu cəbhədəki hadisələri pisləyib

05.09.2015 02:12     Siyasi reaksiya     1808

 ATƏT-in Minsk qrupu Ermənistan və Azərbaycan qoşunlarının təmas xəttində günahsız dinc insanların qəsdən hədəfə alınmasını pisləyir.

Reaksiya.az  xəbər verir ki, bu barədə qrupun amerikalı həmsədri Ceyms Uorlik öz Twitter səhifəsində yazıb.

"Biz Dağlıq Qarabağ münaqişəsi zonasında günahsız dinc insanların qəsdən hədəfə alınmasını pisləyirik. Biz münaqişənin sülh yolu ilə həllinin tərəfdarıyıq", - deyə o bildirib.